مبادىء وقواعد المشاة 101

مبادىء وقواعد المشاة 101

على الدولة وضع فحص للمشاة ،لكل شخص بالغ وعاقل يود الخروج من منزله سيرًا على قدميه مشابه لفحص رخصة القيادة، لتعليم الناس كيفية السير في الشوارع وآداب قطع الشوارع لأنو ما شا الله عليهم يخزي العين، برفعوا الراس، وعلى الدولة منع أي شخص لم ينجح في اختبار المشاة من مغادرة المنزل وأي شخص في الشارع ما معو رخصة مشاة بوجهو على الجويدة ويجب أن ينص الكتاب علىالقواعد التالية

أولاً: جسور وأنفاق المشاة ليست موجودة كديكور ولتجعل البلاد تبدو متحضرة جميلة بل من الممكن استعمالها من قبل المشاة لقطع الشوارع

بتقدروا تمشوا على الجسور وتستعملوا الأنفاق، الله بيعينكوا يعني إزا مش حابين تيجي سيارة طايرة اتطيركم

ثانيًا : تحديد سرعة قطع المشاة الشارع لأنو المشاة بيقطعوا الشارع على أقل من مهلهم كأنو شارع الوالد

ثاالثاً: أقصر مسافة بين نقطتين هي الخط الواصل بينهما، بعرض النور اقطعوا الشارع زي البشر (الرجاء مشاهدة الصور التوضيحية المرفقة) يعني حاولوا ماتقطعو الشارع بالطول

رابعا : وهذه النقطة موجهة للبنات ، مع إني بنت بصراحة لما أشوف واحدة قاعدة بتمشي زي كأنها كيت موس وهية قد البغلة ولابسة بنطلون صحت كل أهلها الصبح عشان يساعدوها تسكر سحابو بتلفت نظري وبتشتت انتباهي يعني بصراحة لما تمشي بالشارع أو تقطعي الشارع (للبنات) حاولي ما تكوني سبب أي حادث مميت وارحمي الناس يعني !! إزا حابة تعملي رياضة وتركضي بالشارع أنا لا أنصح مطلقًا بأي شارع من شوارع عمان وهيني حذرت البنات وإنتو حرين بحالكم!

خامسًا، الدولة حطت سياج بنص الشارع عشان تعرف إنو هادا الشارع خطير (زي شارع الجامعة على سبيل المثال) وفرصة يعني تستعمل النفق أو جسر المشاة، ولم تضعه الدولة لتمارس رياضة القفز عن الحواجز

سادسًا وهذا قانون يا رب الدولة تطبقه بصراحة لأنو قلبي مغلول من هاي القصة… تغريم أي شخص قطع الشارع تحت جسر المشاة أو فوق نفق المشاة واندعس لأنو سبب صدمة عاطفية للشخص اللي دعسو، عشان السائق شاف واحد بيندعس ورح يضلو معقد طول عمرو

بصراحة الله يعين أي واحد دعس حدا هون لأنو بيطلع معشي العيلة (فلافل) وبطلع أهم واحد بالعالم وبيضل السائق يحاول يعوضوا طول عمرو ويصرف عليه وعلى كل أهلو وبيصرف على عمليات ترميم وتجميل لإلو ولأهلو وبيرجع هو وأهلو معدلين وأحسن من قبل

وحتى أكون منصفة الله يعين أهل اللي بيندعسوا كمان لأنو الموضوع مش مزحة ودمر عائلات كتير وأدى للوفاة (لا سمح الله) فحوادث الدهس كثيرة في البلد وقضت على حياة كتير من الناس، سواء السائق أم “المشاة”

بس فكركم لو بدأنا نطبق قواعد المشاة هاي بتخف هاي الحوادث ولا لأ؟؟؟؟

جميع الحقوق محفوظة

Advertisements

20 responses to this post.

  1. انتو بألف نعمة وخير

    برجوا منك ترجمة المقال الى 500 لغة اللي بتكلموها بالهند

    كل يوم بموت عالاقل 20-30 هندي دعس….لانوا طريقة قطعهم للشارع استشهادية

    Reply

  2. فكره رائعه فعلا وانا اؤيد امتحان المشاة. مش عارف ليش الناس بتقطع الشارع بشكل قطري وفوق هيك على أقل من مهلهم.
    شكرا على الرسم التوضيحي المفروض يتم تعميم الرسمه على كافة المدارس 🙂

    Reply

  3. i am a kamikaze road crosser…..i just don’t bother enough paying attention to the cars

    Reply

  4. المصيبة انو اذا الواحد استرجى و حاول يزمر للمحترم (و غالباً محترمة) اللي بقطع الشارع عشان ما تفوت فيه السيارة اللي وراه، بيجحرو الماشي جحرة مش طبيعية، زي كإنو غلط فيه أو صحّاه من النوم!!!!

    Reply

  5. yes! يجب تعميم الرسم التوضيحي على المدارس والجامعات كمان
    i know ! some people have a death wish when crossing the street!
    and Mrs H… i know ! o ya weeeelak eza betzamerlhom !

    Reply

  6. Posted by Ana on March 4, 2010 at 5:44 pm

    malo el falafel! mahowe 3’ali barra el ordon!

    Reply

  7. 3ALA RASI!!

    Reply

  8. على كل حال لو كانالشخص اللي بقطع الشارع شكله زي اللي في الصورة فأظن إنه معذور

    Reply

  9. Posted by rami on March 5, 2010 at 12:36 am

    والله معك حق في كل شي حكتي انا اخوي دعس واحد الله يرحمو مصري وعلقنا علقة الها اول ما الها اخر بس حاب احيطك علم بأنو قانون السير صار عليه تعديل يعني اخوي لما صارت معا حادثة الدعس كان ملتزم بمسربو وماشي بسرعة قانونية طبعا مكان الدعس الكل بعرفو مقابل مجمع السماح وطبعا تم قطع الشارع من خلف لوحة اعلانات اللي بتكون بالجزيرة الوسطية وكان بقطع ومعا بسكليت وقطع السايد الاول و ما وقف ضلو مكمل بدون ما يكشف الشارع وطلع قدام اخوي مرة وحدة وما قدر يعمل الشي الغريب انو بنفس الشارع في جسرين مشاة ابعد واحد 200 متر من موقع الحادث طبعا اخوي صارلو بسوق اربع سنوات مخالفة سيرما تخالف بس الحمدلله على كل شي طبعا اخوي اسقط الفصل وانحبس اسبوع وهلا واصل لمرحلة انو ما بدو يضل بالبلد بس يخلص جامعة بدو يسافر , هلا الغريب انو مدير المركز الامني بحكي لو هاد الحادث صار ببريطانيا اخوي ما بتوقف ولا دقيقة طبعا قانون السير الغير مفعل هوا انو ما بكون حق على السايق اذا بقطع الشارع من مكان غير مخصص بسسسسسسسسسسسسسسسسسسسسسسسسسس على الفاضي وطبعا دفعنا 8000 الاف دينار بعد ما نزلنا المبلغ من 20000 ل 8000 عشان صك الصلح غير انو خسرنا بالسيارة تقريبا 1500 دينار لانو خلص ما حد كان راح يقدر يسوق فيها والله بعين , هلا احنا والله كنا زعلانين على المتوفي اكتر من اهلو لانو لما تصير القصة مفاصلة وبيع وشرا ببطل الموضوع انساني .
    طبعا الله ستر انو مو واحد من ولاد البلد لانو كان حطينا اللي فوقنا واللي تحتنا عطوات وغديات وجاهات والله يعين اهل المتوفي واهل المتسبب بالحادث وطبعا للعلم التأمين رفع دية التأمين من 12000 ل 20000 وبدي اشوف ايمتا هالقانون الفوق بدو يتفعل والله يعين

    Reply

  10. انا مع عبد…لازم يترجم الى لغات كتيرة منها الغزاوية
    عشان قطع الشارع هون زي القضاء و القدر….انتا و اللي مكتوبلك
    😀

    Reply

  11. Hello Serene,

    I couldn’t agree more!! If people actually followed the rules and regulations, we wouldn’t have as much accidents!
    I wish they’d use the pavements for once in their life,but I guess I’m asking for too much! lol
    Anyway well done! Love your writings and I have been reading them for a while now.

    By the way I’m a friend of Ramka’s.

    Best of luck,
    Farah

    Reply

  12. Posted by Ahmad on March 16, 2010 at 10:34 am

    In 2007, I had to spend one night in Jwaidah because of that!! A man crossed the street diagonally, from the right.. He came running in the same direction I was driving (Wasn’t looking) and hit my car from the right back door!!!!

    Reply

  13. Posted by Bassem on March 18, 2010 at 11:54 am

    Reminds me of one of the best Seinfeld Episodes… http://www.youtube.com/watch?v=a-FbktgqCqY

    Reply

  14. Eh , Hey i cut the st eno bel tooool ! 😛

    Reply

  15. Posted by Laila on March 27, 2010 at 9:12 pm

    kteeeer 7elweeh jd 3ajbatni el sowar el morfaqa….like it

    Reply

  16. و الله بصراحة اكتر ناس بيقطعوا الشارع بهاي الطريقة هم النساء و تحديدا من عمر 30 فما فوق – ما بعرف شكلها بدها ترتاح من العيشة و من قرف زوجها و اولادها الصيع
    اما الرجال فبيقطعوا الشارع بطريقة الخاوة – يعني بيدب حالو قدامك و بيجبرك بالخاوة تدعس بريك و اللي وراك يخش فيك على سرعتو
    و صارت معي قبل شهر تقريبا

    اكتر شي بيجنني انو شب بيكون لابس بنطلون اسود و جاكيت اسود و الدنيا ليل و الشارع يدوب مبين و ما بتشوف ولا هالشب بيقطع بالشارع
    يا سلام والمشكلة انو دايما الحق عالسايق و لحق ياللي بتلحق على مستشفيات خاصة و سجن و بهدلة و عطوة رايحة و عطوة جاية

    Reply

  17. Posted by saif on December 4, 2010 at 12:29 am

    على فكرة ….
    تعليم الناس قواعد السير يبدأ من المدرسة في معظم الدول المتقدمة

    شاهدي برنامج خواطر عن اليابان

    وتعليم الناس كيف يقطعوا الشارع
    كيف يمشو عالرصيف

    كيف يستخدمو المرافق العامة

    الحمامات اجلكم الله

    المصاعد والادراج المتحركة

    كلها علوم تدرس للاطفال بالمدارس في دول الغرب

    عندنا الطفل بيتعلم كيف ينط عن سور المدرسة والبنت كيف تحط مكياج وما تشوفها المعلمة

    كله على الله

    الله يعين اللي بموتل حدا او ببتلي بدعس حدا

    Reply

  18. Posted by Mohammad Qasim on October 30, 2011 at 11:51 am

    صحيح كل ما قرأته بهاد المقال
    بس موضوع الاختبار صعب كتير على الحكومة لأنه اذا بدنا نحبس كل واحد ما بقدر يجتاز الاختبار
    راح تاني يوم يكون في عطلة وبمعنى اّخر كتير ناس راح يرسبوا ونسبة الايدي العاملة راح تخف بالسوق الاردني كتير
    و صراحة انا من سكان مدينة العقبة وبنشوف اشكال والوان من جميع طبقات المجتمع الاردني الحبيب بس كتير بحس باحراج لمن الأجانب يشوفونا واحنا بنقفز عن السياج وبنفس الوقت لمن يكونوا الاجانب بدهم يعبروا الشارع وصاروا بنص الشارع تلقى واحد جاي بسيارته متل الطلق وهاجم عليهم وكأنه بده يفرمهم وايده على الزمور كأنه معه حالة ولادة
    ما بعرف شو الحل بس بصراحة الموضوع مهم جدا وبحاجة للدراسة بشكل كبير وعمل نشرات ودروس ودعايات مسموعة ومقروءة ومن مختلف الجهات المعنية
    واذا بدنا نحمل المسؤولية لجهة واحدة بنكون غلطانين اذا لمنا الحكومة لأنه بكل صراحة احنا علينا دور كبير
    وخصوصا الأمهات والاباء والمدرسين والمدرسات وكل واحد بموقعه بقدر يطبق ويساعد بتطبيق القانون
    شكرا للجميع

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: