the عادات سيئة ١

في نوع من الناس عندهم عادة سيئة جدا ما بعرف هيي بالجينات ولا متوارثة ولا مكتسبة ولا هي “فياعة” ولا شوفة حال وبصراحة شريحة كبيرة من المجتمع…
بتشوفي بنت من زمان ما شافتك “او حتى يمكن هلا اتعرفتي عليها” اول شي بتحكيه “ليش هيك نصحانة؟” او “ليش هيك صاير وجهك؟” او “ليش هيك شعرك خفان؟” او “ليش نحفانة هالقد ارجعي انصحي احلى” او “ليش وجهك معبى حبوب” او حتى الشباب “صلعتك زادت كتير” “كرشك صاير ٤ متر”…”وجهك ذبلان” …”كانك مريض” .. يعني هدول الناس بتبعوا اسلوب ترحيب فوري بتنكيس وتعييب على كل شي ممكن يعلقوا عليه. 

انا الي بستغربو انو بيبدو الملاحظات العبقرية هاي بدون ما حدا يطلب رأيهم يعني بتجيك الانتقادات هاي زي الكفوف بدون ما تطلب راي حدا.

بتزكر اول مرة بلشت هاي الامور تنرفزني سنة اولى جامعة كنت باخد دوا يمكن نص العالم اخدوه اسمو رواكتين بيطلع كل الحبوب من تحت الجلد لتصفية البشرة وكان لازم اتحمل كزا شهر ووجهي “محبحب” . صار الكل يسالني الي بعرفو والي ما بعرفو “ليش هيك وجهك” اولها كنت اقعد اشرح الوضع للناس وقصة الدوا وبعدين مرة وحدة سالتني جاوبتها “فكرك انا حابة يكون وجهي هيك؟” عادي شايفتو وبعرف!

انا مش بحاجة ابرر للناس اشي ولا الربع كيلو الي زاد بوزني ولا شعري المنكوش ولا الحبة الي على صباحي.

والصدمة الكبرى لما تكون عبارة مش سؤال يعني كطرح فكرة يعني هنا تكمن تفاهة وسذاجة الشخص حتى ولاد صف اول ما بعملو هيك يعني لما وحدة تجي تحكيلك فجأة “على فكرة انتي عيونك صغار مو كبار” او على فكرة انتي شعرك خفيف او “على فكرة انتي حنطية مو بيضة” او “بس لو تنحفي شوي” يا جماعة يا عباقرة زمانكم مين انتو لتقررو الامور مبدئيا؟ ومين انتو لتبدو رايكم الي ما حدا حابب يسمعو ؟ خلصت المواضيع الي ممكن تفتحوها؟؟؟ ما ضل شي غير تحكو عن سلبيات الشحط الي قدامكم؟ 

ارتقوا شوي .. ارتقوا بتفكيركم وعقولكم البنت الي بتنصح بتعرف انها بتنصح والي بتنحف بتعرف والي شعرو عم يسقط هو اول واحد بيحس وكل واحد بشوف وجهو بالمراي كل يوم وبشوف خلقتو… ليش تحبطو الناس فوق ما هي محبطة؟ 

حابين توجهو نصيحة للشخص وخايفين على مصلحتو وعاملين حالكم انسانيين في الف طريقة تنصحوا وتشجعوا بدون تجريح واحباط وفوقية و”تنكيس” لانو كلنا عيوب وما في شخص كامل 

ليش ما نرفع بعض نمدح بعض ونتغاضى عن الامور السطحية هاي ليش؟ ليش مصممين تنكدوا على الواحد فوق مهي الحياة منكدة عليه؟ خلص يعني مرحبا كيف حالك بس لا تضيفوا تعليقات ما حدا طلبها ارجوكم اتوسل اليكم. ما حدا طلب تجاملو بس فكونا من التعليقات الي انتو نفسكم بتكرهوها.. في كتير امور اهم من انو الواحد يكون نصحان او نحفان واهم من حبة على جبينو وبنطلونو وشعرو وجسمو الحياة اكبر من هيك يا قوم.




Advertisements

2 responses to this post.

  1. Posted by Haitham Jafar on February 18, 2017 at 12:12 pm

    معقول!
    بوست جديد 🙂

    التدخلات هاي والإقحامات للأسف من زمان
    بنقدر نقول فضاوة وفراغ؛ بشقيه: حسي ومعنوي
    أو حتى أمراض! مع احترامي وتعاطفي ويمكن أنا كنت هيك كمان بمرحلة عمرية معينة، هي شغلة إنو ييجي عبالك تحكي إشي
    لإيش ما كان مبررك لحد ثاني وإنك بالفعل تستسهل تطلّع هاي الكلمات المؤذية
    أو السلبية عأقل وصف شيئين مرتبطين يمكن بس مختلفين كمان

    فاهمة علي؟

    اسمحيلي أقول إنو بإحصائية قبل 4 – 5 سنين إذا متذكر مزبوط حوالي 450 ألف شخص ما بين 18 – 40 بالأردن لازمهم عناية وعلاج نفسي من نوع أو آخر

    وسلامتك

    *حتى مع وجود هامش خطأ بهيك إحصائية بس -برأيي- مؤشر*

    Reply

  2. Posted by خرا on February 19, 2017 at 3:07 am

    خليكي بحالك بس و ديري بالك على وزنك

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: